Poliisi e Matugga yayanukudde mangu nnyo okutaasa Omusirikale w’ekitongole ekikuuma ddembe ekya PSG Security eyabadde alwanagana n’ababbi basatu ababadde bagezaako okumenya Hardware ya Kiwa Hardware Shop esangibwa ku luguudo lwa Ssemuto – Matugga. Poliisi weyatuukidde mu kifo kino yasanze obubbi bukyagenda mu maaso nga ebintu ebiwerako bimaze okutikibwa mu motoka, ababbi bwebalabye Poliisi batandise okuwanyisiganya amasasi ne Poliisi era mukavuvungano ako babiri ku babbi bakubiddwa amasasi agabatiddewo ate omu nadduka n’ebisago ebyamaanyi.Poliisi yasobodde okununula ensawo 20 eza sseminti, n’amasasi 32 era nga okunoonya omu eyadduse n’ebisago. Kigambibwa nti bakozeseza omukisa nga bapaakinze emotoka yaabwe ku mulyango gwa Hardware nebasala ekkufulu nebayingira munda. Emotoka ekika kya Canter nnamba UAM 668Q eyabadde ekozesebwa yatwaliddwa ku Poliisi e Matugga.
Poliisi esse ababbi babiri omu nadduka
