Omukuumi wa Ssaabasajja yagenze ku misomo – Katikkiro

Katikkiro Charles Peter Mayiga avuddeyo nategeeza nti akulira eggye erikuuma Kabaka, erya Kabaka Protection Unit, Capt. Edward Ssempijja teyabuzeewo nga bali bweru oluvannyuma lw’eggye lya UPDF okulangirira nti ono anoonyezebwa.

Katikkiro agamba nti ono yagenze ku misomo emitala w’amayanja oluvannyuma lwokufuna sikaala nti era yamuwandiikira mu butongole namutegeezaako.

Omwogezi w’eggya lya UPDF Spokesperson Brig. Gen. Felix Kulayigye yavaayo nga 15-May nategeeza Capt. Ssempijja yembulankanya okuva ku mulimu era bamunoonya.