Godfrey Wamala nga ono yavunaanibwa ogw’okutta omuyimbi Moses Ssekibogo eyali amanyiddwa nga Mowzey Radio asindikiddwa mu kkooti enkulu y’eba emuvunaana.
Omulamuzi omukulu ow’ekkooti y’e Entebe Suzan Okeny agamamba nti oludda oluwaabi olukulemberwamu Julius Muhiirwe lumaze okukola okunoonyereza ku musango gw’okutta oguvunaanibwa Wamala amannyiddwa nga Troy. Julius afamba nti oludda oluwaabi lumaze okukungaanya obujulizi obumala okulumika Wamala agambibwa okuba nti yaliwo mu kifo webakubira Radio mu bbaala ya De Bar Entebe gyeyafunira ebisago ebyamuviirako okufiira mu ddwaliiro lya Case e Kampala.
Troy yali akola nga kanyama ku bbaala ya De Bar era nga yakwatibwa oluvannyuma lw’ebigabibwa nti baali balwanye ne Radio era bwatyo navunaanibwa ogw’okutta. Ono yaziddwayo mu kkomera e Kigo nga bwalindirira okutwalibwa mu kkooti enkulu okuvunaanibwa.
Leave a Reply
You must be logged in to post a comment.