Omulamuzi wa Kkooti Enkulu Wilson Kwesigwa ataddewo olwa 11-May-2020 wiiki ejja okuwa ensala ye kukukendeeza ku bukwakulizzo obwateekebwawo okuta Rtd Lt Gen Henry Tumukunde ku kakalu ka Kkooti bweyateekawo nga 14-April-2020. Gen. Tumukunde ataddeyo okusaba kwe nga asaba Omulamuzi Kwesiga amukendereze ku kakwakulizo kukuleeta Abasirikale b’eggye lya @Uganda Peoples’ Defense Forces – UPDF abali ku ddaala lyerimu naye oba okumusingako.Mu Affidavit ya Mukyala we Stellah Tumukunde agamba nti ku ddaala Tumukunde kwali abasirikale abasinga bakyali mu maggye oba mu bali mu bifo bya Gavumenti ebinene nga tebasobola kweyimirira muntu avunaanibwa musango gwakulya mu nsi lukwe.Tumukunde agamba nti mwetegefu okuwaayo ekyapa ky’ettaka okuli amaka ge ag’e Kololo nti era alina nabamweyimirira okuli; mukyala we, muganda we Hannington Karuhanga ne mukwano gwe Matthew Rukikaire.