Katikkiro yabadde Omugenyi omukulu mu Musomo gw’okubaganya ebirowoozo ku
nkulaakulanya y’omupiira gw’abakyala mu ggwanga ogutegekeddwa ekibiina
kya Sseninde Foundation, ekikulirwa Jean Sseninde omuwala munnayuganda
omusambi w’omupiira mu tiimu ya Queens Park Rangers mu Bungereza ate nga
muwala wa Minisita omubeezi ow’eby’enjigiriza Rosemary Sseninde.
Omusomo gubadde ku wooteri ya Macknon Suites mu Kampala.
Katikkiro agambye nti tewali nnono egaana bawala kusamba mupiira era tujja
kusigala nga tugissaamu ekitiibwa era abakyala bajja kusigala nga be
bannakazadde b’eggwanga. Asabye bonna abatendeka abawala okusamba
omupiira okunnyikiza n’okubatendeka nti be bannakazadde b’eggwanga.
Agasseeko nti abakyala balina omukono gw’amaanyi mu nteekateeka
y’enkulaakulana yonna, era bwebabulamu, enkulaakulana ebeera nzibu.
Mu balala abakubaganyizza ebirowoozo kuliko; Kiryowa Kiwanuka, Ssentebe
wa Express FC, Patrick Kanyomozi, President w’ekibiina ekitaba
bannamawulire abasaka ag’emizannyo, Jackie Tahakanizibwa, kitunzi wa
Post Bank, ne Ayuba Kisaaliita, omutendesi w’omupiira gw’abakyala mu
ggwanga.
Leave a Reply
You must be logged in to post a comment.