Omuserikale wa Police nga mukazi akoonedwa Kamunye naafiirawo enkya ya leero e Jinja ku Lutindo lw’omugga Kiyira.
Afande Nakayiza abadde asotta akagaali ng’aweese emmundu ye agenda ku mirimu okuva e Njeru ng’adda Jinja kamunye etetegeerekese nnamba evudde emabega n’emukoona n’akalirawo.
Aduumira Police e Jinja Felix Mujizi agamba nti abatuuze ababadde okumpi bagezezzaako okumuyoolawo balabe nga bataasa obulamu bwe naye nga yamazeemu dda.
Afande Mujizi agamba nti Police etandikiddewo okuyigga omugoba wa mmotoka eno akoonye omuntu n’adduka era bw’agombebwamu obwala kaakumujjuutuka.
Ggwo omulambo gwa Afande Nakayiza gutwaliddwa mu ddwaliro e Jinja. Kitalo.
Leave a Reply
You must be logged in to post a comment.