Omubaka Theodore Ssekikubo akiikirira Lemiyaga mu lukiiko olukulu olw’eggwanga agamba nti okutandika okuteekawo zi Minisitule ez’enjawulo ezikwata ku gatundutundu agatali gamu neziteekebwa mu yafeesi ya Sssaabaminisita, kaba ng’akabonero akalaga nti Gavumenti eremeddwa mu nteekateeka y’ebitongole mweyinza okuyita okukulembera abantu obulungi.
Ssekikubo yayogereganyizzaamu n’omusasi wa Luboggola Simba, n’abaako by’amufuuwa ku bino :
“Kano ke kamu ku bubonero obulaga nti Gavumenti enteekateeka zaayo zirimu ebituli, bwoba olina Gavumenti eya wakati ate ng’olina ne Gavumenti ez’ebitundu kaakati ate awo mu mmakati kiki ekiba kitondesaawo Minisitule ez’ekimpatiira ezitalina mulimu gwa nkalakkalira oba omwesimbu gwezigenda okukola, naye bino bya bufuzi Pulezidenti Museveni aba azannyiramu byabufuzi “.
Leave a Reply
You must be logged in to post a comment.