Katikkiro wa Buganda Charles Peter Mayiga ayanirizza Omutaka omuggya alondeddwa okukulira ekika ky’e Ngeye Hajji Minge Kibirige n’alabula abo abayisa amaaso mu Ssaabasajja kyasazeewo.
Katikkiro Mayiga bino abikoledde ku mbuga ya Buganda enkulu mu Bulange e Mengo bw’abadde ayaniriza Omutaka Kasuja Kyesimba VII alondeddwa okukulira ekika ky’e Ngeye.
Kigambibwa nti kumpi emyaka 80 nga ekika ky’e Ngeye tekirina mukulu wa kika wankalakkalira okutuusa obwakabaka lwebwenyigira mu nsonga zino nga bayita mu Kootyi ya Kisekwa nezitaggwa okukkakana nga bazijulizza eri Kabaka Ronald Muwenda Mutebi II eyakoze okusalawo okusembayo .
Katikkiro Mayiga agamba nti mu Buganda Kabaka ye mukulembeze wokuntikko era y’asalawo ekyenkomeredde era oyo agezaako okufutyanka eby’obuwangwa bwa Buganda waakukolebwako nga amateeka bwegalagira .
Wabula akubirizza Omutaka Kasujja Hajji Muhamood Minge okuweereza ekifo kino n’obwesimbu .
Leave a Reply
You must be logged in to post a comment.