Poliisi y’e Ngogwe n’abaserikale ba LDU mu Disitulikiti y’e Buikwe basaanze akaseera akazibu okukkakanya abavuzi ba bodaboda n’abatuuze okuva ku siteegi ez’enjawulo ababadde bagumbye ku kubo erigenda ku kitebe ky’e ggombolola y’e Ngogwe ku luguudo oluva e Kisoga okudda e Jinja.
Bano babadde balaga obutali bumativu bwabwe olwa Poliisi okulwaawo okutuuka okuddukirawo omulambo gwa munaabwe ategereekeseeko erya Willy ng’abadde muvuzi wa bodaboda ku siteegi y’e Buwooya nga yatomeddwa emotoka n’afiraawo kusaawa nga nnya ez’okumakya wabula nga Poliisi okuva e Lugazi kigitwalidde esaawa ezisukka mu 4 okutuuka mu kifo kino.
Okusinziira ku batuuze bategezeeza nti Willy yatomeddwa motoka ekika kya TOYOTA COSA namba UBA 974X ku saawa nga zigenda mu nnya wabula nga zituuse kuwera saawa mwenda nga poliisi tenaba kuddukira mulambo gwa munabwe ekintu ekijje abagoba ba bodaboda n’abatuuze mu mbeera nebaagala okusiba omulambo ku pikipiki bagwetwalire era nga wano bawanyisiganyiza ebisongavu ne Poliisi nga bagilangira obutalaga buvunanyizibwa.
Leave a Reply
You must be logged in to post a comment.