Omumyuuka w’omwogezi wa Uganda Police Force owa Kampala Metropolitan Police ASP Luke Owoyesigyire avuddeyo nategeeza nga Poliisi ya Old Kampala bwekoze ekikwekweto olunaku olwaleero ku ssaawa kumi ezolweggulo nga eri wamu ne Military Police mu Kakajjo Zone mu Kisenyi II Parish, Kampala Central Division, mu kibuga Kampala mwakwatidde abantu 60 abagambibwa okubeera abamenyi b’amateeka.
Bano basangiddwa n’essimu 4, ebyuuma ebikozesebwa okumenya amayumba , ekyambalo kya Uganda People’s Defence Forces – UPDF (essaati), master key, magalo wamu n’ebiragalalagala ebigiddwa mu maka gabakwate.
Abamu ku bakwatiddwa kwekuli n’abamenyi b’amateeka abolulango okuli: Fahad Kabogoza, Asia Atimango ne Adam Opwonya, nga bano basinga kutigomya abatuuze b’omu Kisenyi. Kigambibwa nti bano be bamu ku bakulira ekibinja ky’abamenyi b’amateeka abanyakula ensawo ku bantu nga bakozesa booda booda wamu n’okulumba abantu nebabbako ebyabwe. Bano bakutwalibwa mu Kkooti olunaku lw’enkya.
Leave a Reply
You must be logged in to post a comment.