Poliisi mu Kampala nga yeyambisa kkamera enketta bikolwa ekutte Fuswali Isabirye nga ono babadde yegulidde erinnya mukubba Piki piki.
Omukwate babadde yefuula owa Poliisi nga alina n’ekyambalo kya Poliisi nga akola ebikwekweto mwakwatira aba Boda Boda nga aliwamu ne munne Moses Tukesiye nga bonna batuuze be Pallisa.

Kigambibwa nti Isabirye abadde akwata Boda Boda nalagira bannanyini zo okumusanga ku Poliisi erinanyeewo wabula nga abulawo Piki piki nazivuga nga azitwala e Pallisa gyalina omuguzi waazo.
Piki piki ezamukwasizza kuliko UER 349U ne UEV 434V nga zino yazikwatira ku Old Kampala kkamera nezimukwata ekifaananyi kye nekiterekebwa era nga leero bwakomyeewo mu kitundu kyekimu nezimulonkoma nakwatibwa. Ye munne Moses akyekwese e Pallisa era nga anonyezebwa. Piki piki abadde azitunda akakadde kamu.
Wakuvunaanibwa omusango gw’obubbi n’okwefuula kyatali.