Omwogezi wa Uganda Police Force mu Kampala Metropolitan Police Patrick Onyango yavuddeyo ku katambi k’omuvubuka eyabadde ku Poliisi y’e Kyaliwajjala nga abanja essimu ye gyagamba nti yamugibwako omusirikale bwebamukwata.
Onyango agamba nti Kabanzi Gerald y’omu ku kibinja ky’abavubuka ababbi abadde anoonyezebwa nga banne bakwatibwa bali Luzira. Agamba nti ono yakwatibwa mu bikwekweto ebyakolebwa Poliisi nga efuuza abatagoberera biragiro bya Pulezidenti Yoweri Kaguta Museveni ebyokulwanyisa ekirwadde kya #COVID-19 nga yasangibwa aguddewo edduuka lye ku ssaawa ssatu ez’ekiro. Yatwalibwa ku Poliisi mbu wabula bweyatuusibwayo nabaddukako nga tebanamuyingiza kadduukulu nti era yakomyeewo nkeera nga abanja ssimu so nga teyatuusibwa ku counter.
Onyango agamba nti ono essimu ye erabika yamuggwako nga adduka ku Poliisi. Bagezezaako okuddamu okumukwata wabula natoloka era nebamuwongera nebamukwata nga Poliisi yakozesezza amaanyi agasaanidde okumukwata Onyango bwagamba. Onyango yebazizza nnyo abasirikale olw’okwolesa empisa n’obukakkamu nga baddamu okumukwata.