Ssaabaduumizi wa Police ya Yuganda, Gen. Kale Kayihura agamba nti okuzimba amayumba g’abaserikale kugenda kutandika e Naggulu ku nkingiizi za Kampala era nga bagenda kutandika n’amayumba 1200.

Kayihura okwogera bino abadde ku ttendekero lya Gadaffi Junior Staff College erisangibwa e Jinja nga afulumya abayizi abamaze okutendekebwa. Ssaabapoliisi agamba nti omwaka guno wegunaggwerako nga waakiri amayumba agasooka gawedde ate nga gali ku mulembe.

Agamba nti ng’oggyeko amayumba, baagala abaserikale babe nga baliko n’enteekakateeka eya zi Polojekiti mwebajja ssente.

Gen. Kayihura ayongerako nti abaserikale 2000 babongeddeko obukugu mu kukungaanya obujulizi mu bifo awaba wagudde enjega.