Akulira akakiiko akanoonyereza ku bulyake wamu n’obukenuzi mu maka g’omukulembeze w’eggwanga aka Anti Corruption Unit – State House Uganda Lt. Col. Edith Nakalema psc(j) UK avuddeyo n’ekiwandiiko kukunoonyereza ku bakulu ba Bbanka enkulu kubigambibwa nti benyigira mukukubisa ensimbi endala obuwumbi 90.
Agambye nti akakiiko kano nga kakolera wansi wa kawayiro mu Ssemateeka wa Yuganda aka 99 (4) nga kakolera wamu n’ekitongole kya Poliisi ekivunaanyizibwa ku kunoonyereza ku misango ekya Criminal Investigation Directorate nga bakolera wansi wa kawayiro mu ssemateeka wa Yuganda aka 120 (3) (a) wamu ne Bbanka enkulu eya Yuganda bali mukukola okunoonyereza kunsonga ezekuusa ku kugula.
Okunoonyereza kuno kukolebwa oluvannyuma lwa Gavana wa Bbanka enkulu okusaba kukolebwe.
Ensonga enoonyerezebwako yekuusa ku bintu bya Bbanka ebyaleetebwa mu Ggwanga era nga mukaseera kano Abakulu mu bbanka eno, aba Customs ne Civil Aviation Authority banoonyerezebwako.
Emirimu gya Bbanka enkulu gisigadde gitambula nga bwegirina okubeera.
Leave a Reply
You must be logged in to post a comment.