Essaza ly’e Buddu lisitukidde mu Ngabo y’emipiira gy’amasaza ga Buganda  oluvannyuma lw’okuwangula Gomba ku luzannya olw’akamalirizo 

Libadde ssanyu na kucacanca eri Bannabuddu ababadde abalaba omupiira gw’akamalirizo mu kisawe e Namboole akawungeezi ka leero nga Buddu ewangula Gomba .

Omupiira gusoose kulemagana ggoolo emu ku emu mu ddakiika ekyenda olwo neboolekera okusimulagana Penati era zigenze okuggwa nga Buddu ebala mukaaga ate Gomba ttaano (6-5).

Ekyo nekyoreka nti obuwangaazi bw’emmese bugirumisa ku ddiba lya Kkapa kubanga bulijjo Buddu nebadde eviraamu awo nga Namubiru ababula emmamba

Kinajjukirwa nti era omwaka oguwedde Buddu yatuuka ku luzannya olw’amalirizo wabula n’ewuttulwa essaza ly’e Ssingo ggoolo ttaano ku kiiso  ky’engege nga ku luno yeenaazizzaako ekikwa .

Ekyonno kitegeeza nti obuwanguzi Buddu bw’efunye bugiyingizza mu byafaayo by’amasaza agawangudde ku Ngabo eno  era nga ebakwasiddwa Sseggululigamba Mutabani wa Mutesa , Kabaka Ronald Muwenda Mutebi 11 akawungeezi aka leero.

Aggundeggundde Maaso Moogi