Abatuuze ku byalo 3; Kitanda, Kiteredde ne Ttikkalu mu Gombe division, Nansana Municipality, Wakiso bakedde kwekalakaasa nga balaga obutali bumativu bwabwe olw’embeera oluguudo lwabwe oluva ku kitebe kya division okutuuka e Bombo ku 19 eyungula amaziga.
Bano nga bakulembeddwamu ba Councillors baabwe abakikirira omuluka guno Ttikalu ku Gombe division ne ku Nansana municipality, batandise okusimba ebitooke, emiti gya muwogo n’okusuula emisanvu mu kubo lino nga tebaganya muntu yenna kuyitawo.Bano bagamba nti ekubo lino lijjudde ebinnya ekiviiriddeko obubenje okweyongera kyoka nga bazze nga beekubira enduulu eri bekikwatako wabula nga beesulirayo gwannagamba.
Ye Mayor wa Gombe division Nsereko Ssebuliba asabye abatuuze okuba abakkakamu kuba oluguudo lugenda kukolebwa era nga enteekateeka zawedde dda.
Leave a Reply
You must be logged in to post a comment.