Omukyala n’abaana ba Omubazi  w’ebitabo bya Monitor Publications , Abel Katende eyattibwa gyebuvuddeko , bakkirizza nti beebaamutta.

Omulambo gwa Katende ono baagusuula mu Kaabuyonjo mu maka ge e Kasangati ate mwebaali bamusindiikirizza okuva era Police mweguggye.

Wetwogerera nga Police ya Flying Squad yamaze dda okugombamu obwala  abaana  Lilian Najuma ne Gideon Kaya (Abaana) ne Janet Namugenyi Katende – Omukyala.

Entabwe yava ku bya bugagga bya Katende era abavunaanibwa nebakola olukwesikwesi  olumukyalira era bwebatyo nebamukuba omuggo ogwamuttirawo nga 27 Ogwokuna omwaka guno.

Nabwekityo abakwate bakkirizza nti beebatta omugenzi era nebatwala Police  awali kabuyonjo mwebaasuula omulambo era Police eguggyeyo n’egutwala mu ddwaliro e Mulago nga okunoonyereza bwekugenda mu maaso .