Minisita w’ettaka, obulimi n’obutondebwensi, Owek Hajjat Mariam Mayanja Nkalubo alambudde ebitawuluzi by’ettaka lya Kabaka mu Kyaggwe
Mu Kaweefube ono, Owek Mariam yalambudde ebitawuluzi okuli; Namyoya gombolola ya Mumyuka Nakifuma, Wangyeyo, ettaka lye Kitawuluzi ky’omuluka gwe Nnyenje, ne ku mbuga ya Mutuba IX Goma.
Enteekateeka y’okulambula Ettaka mu kyaggwe mu kiseera kino egenderedwamu okulaba abo abeesenza, abazimba n’abaagala okutwala Ettaka mu kiseera kino nga ensi eri ku Muggalo.
Mu kwogera kwe, Owek Mariam asabye obukiiko bw’ettaka mu Kyaggwe wamu n’abatuuze okukwatira awamu okutaasa ettaka lya obutatwalibwa bannakigwanyizi.
Abasabye okukolagana ne Buganda Land Board mu nsonga zonna ezikwata ku ttaka lya Kabaka.
Mu kulambula kuno Owek Mariam awerekeddwako Omwami w’essaza Ssekiboobo, olukiiko lwe Ssaza n’abaami ba Kabaka ku mitendera egy’enjawulo.
Leave a Reply
You must be logged in to post a comment.