Omuduumizi wa Poliisi mu Uganda Martins Okoth Ochola ayisiza ebiragiro ebipya ku kukwata abateberezebwa okuba abazzi b’emisango.
IGP Okoth Ochola ayimirizza mbagirawo eky’okukwata oyo yenna ateberezebwa okuzza omusango nga tebanagulawo file ku Poliisi kino nga kibadde kikozesebwa nnyo Poliisi. Era nga ekiragiro ekikwata omuntu yenna kirina kuyisibwa Unit Supervisor oba Commander.
IGP Ochola agamba nti emirundi mingi abantu babadde bakwatibwa naye nga bakama baabwe tebakimanyiiko. Yayongedde nategeeza nti Omusirikale yenna okukwata omuntu alina okumatiza nti ddala gwakwata alina okumukwata era nga Omusirikale omusajja alina kukwata musajja ate omusirikale omukazi nakwata omusibe omukyala.
Yagambye nti n’abantu abakwatibwa ebitongole by’ebyokwerinda ebirala balina okukwasibwa Poliisi.
Leave a Reply
You must be logged in to post a comment.