Poliisi e Lwengo eri kumuyiggo gw’abasajja 2 abatanategerekeka abagambibwa okusobya ku mukazi gwebagamba nti musezi. Kigambibwa nti ekikolwa kino kyaliwo ku lw’omukaaga ku ssaawa nga Nnya ez’ekiro ku kyalo Bitookebisalire mu Malongo Sub-County.
Kigambibwa bano baggwa ku Aisha Nalwanga 42, omutuuze w’e Kyazanga nga azina bukunya mu malaalo ku kyalo Bitookebisalire. Bano bamukutte nga bamuvunaana ogw’okusalimbira mu biggya ebitali bibye. Era ekibonerezo kyebawa kwekutandika okumusobyako kirindi era bwatyo nakuba enduulu eyasombodde abatuuze okumutaasa.
Abatuuze bakakanye ku Nalwanga nebatandika okumukuba nga bamulanga okugezaako okuziikula omufu okuva mu zimu kuntaana era oluvannyuma basazeewo okumwetolooza ekyalo kyonna nga ali bukunya wabula Police ye Katovu nemutaasa.
Baganda ba Nalwanga Shadik Kizito ne Sumiya Nassuuna bagamba nti ono alina ekizibu ku bwongo era nga yatoloka okuva ewaka mu kiro.
Leave a Reply
You must be logged in to post a comment.