Poliisi mu bitundu by'e Rwenzori ne Wamala eri ku muyiggo gwa basajja abatamanyangamba abaabadde babagalidde emigemera wala nebateega bbaasi ya Kalita ebadde eva e Bwera mu Kasese nga eyolekera Kampala mu kiro ekiyise nebanyagulula abasaabaze
Nobert Ochom, ayogerera Poliisi mu bitundu by'e Wamala agamba nti abazigu bano bbaasi baagiteeze ku ssaawa ku ssaawa nga munaana era baabadde wakati wa 10 ne 15 nga kigambibwa nti baabadde mu byambalo bya magye nga balina n'emmundu kika kya SMG era baabuzeewo n'ebintu by'abasaabaze bingi omuli ssente enkalu n'amasimu .
Ochom agamba nti Poliisi weyatuukidde mu kifo nga abazigu tebakubikako kimunye era bali ku muyiggo naddala ku luguudo oluva e Mityana okudda e Mubende, Busunju – Kiboga ne Kyankwanzi .