Abakulembeze ba Munisipaali y'e Mubende bamemenye ekkanisa y'abalokole ebalirirwamu obukadde bw'ensimbi 200 ebadde yazimbibwa mu ngeri emenya amateeka.
Ekkanisa emenyeddwa y'eya Faith Alive Church ebadde yazimbibwa ku kyalo kya Kibaati mu Munisipaali.
Norah Kiiza Kiwuuwa avunaanyizibwa ku kuteekerateekera e kibuga Mubende ategeezezza nti baludde nga bannannyini kkanisa eno okuyimiriza okuzimba ne beerema nti kubanga babadde bazimba mu lutobazzi ekintu eky'obulabe eri obulamu bwa bantu.
Bo abamu ku bantu ababadde basabira mu kkanisa eno bakukkulumidde aba Munisipaali olw'okumeya ekkanisa yaabwe kye bagamba nti sikyabwenkanya kubanga bamaze ebbanga ddene nga basonda ensimbi okuzimba ekkanisa eno era nga abakoze kino katonda agya kubabonereza.
Leave a Reply
You must be logged in to post a comment.