Kkooti ewozesa abali b’enguzi n’obukenuzi mu Kampala yayisa ekiwandiiko bakuntumye eri Ssentebe w’Akakiiko ka Equal Opportunities Commission – EOC ku misango egyekuusa ku buli bw’enguzi n’obukenuzi.
Okusinziira ku mpapula z’emisango ziraga nti Mukyala Ntambi kati yegasse ku balala 9 okuva mu kitongole kyekimu nabo abavunaanibwa omwaka oguwedde wabula nebateeba ku kakalu ka Kkooti.
Okusinziira ku Kkooti bano bavunaanibwa emisango 25 egyekuusa kukulagajalira offiisi zaabwe nebaleetera Gavumenti okufiirwa ensimbi, okwekobaana okuzza emisango, obukenuzi, n’obuli bwenguzi.
Omulamuzi Omukulu Pamela Lamunu Ocaya yeyayisa ekiragiro kino ono okulabikako mu Kkooti nga 30 – September yewozeeko.
Muky. Ntambi avunaanibwa n’abalala okuli; Agnes Enid Kamahoro, 48, Senior Personal Secretary, Moses Mugabe, 38 Senior Monitoring and Evaluation Officer, Mujuni Mpitsi, 49 Secretary, Harriet Byangire, 37 Senior Accountant, Ronnie Kwesiga, 33 Acting Accounts Assistant, Evans Jjemba, 35 Principal Compliance Officer, Manasseh Kwihangana, 39 Senior Compliance Officer, Sarah Nassanga, 43 Office Attendant ne Nicholas Sunday Olwor, 51 Under Secretary.
Omuwaabi wa Gavumenti agamba nti Mukyala Ntambi yalagajjalira offiisi ye wakati wa July 2018 ne April 2019 ekyaviirako Gavumenti okufiirwa ensimbi.
Leave a Reply
You must be logged in to post a comment.