Ng’entambula ey’olukale eddamu olunaku lw’enkya, emotoka ezo zokka ezewandiisizza zezigenda okukirizibwa okuddamu okukola. Bino byebyavudde mu lukiiko olwatudde olunaku lw’eggulo nga lwetabiddwamu Minisita w’ebyentambula n’enguudo Edward Katumba Wamala, Baminisita ba Kampala, Minisita w’ebyokwerinda Elly Tumwine wamu n’abakungu okuva mu kitongole kya Kampala Capital City Authority – KCCA kwogatta n’Abakulembeze babagoba ba Taxi nga lwabadde wali ku offiisi ya Ssaabaminisita.
Okuwandiisa Taxi kukyagenda mu maaso wali ku ssomero lya Kitante Primary School ne Old Kampala Secondary School webagabira ennamba z’enguudo wamu langi okusobola okuzaawula.
Ye Minisita wa Kampala n’emiriraano, Betty Amongi yategeezezza nga Taxi bwezirina okuwandiisibwa wamu n’ebibiina ebizitwala era nti wakubaawo n’ebifo ebyeyawulidde booda booda wezirina okusimba era n’enguudo mwezirina okuyita.
Yo KCCA yategeezezza nga bwewagenda okubeerawo ebitundu nga Booda booda tezikirizibwayo okuleka ezo zokka ezitwalayo ebitereke era nga zirina okuwandiisibwa ne Minisitule y’ebyentambula Minisita Amongi bweyagambye.
Leave a Reply
You must be logged in to post a comment.