Pulezidenti Museveni yetondedde ab’ennyumba y’Omubuulizi eyatiddwa
Pulezidenti Yoweri Kaguta Museveni avuddeyo neyetondera ab’ennyumba y’Omubuulizi Benon Musiimenta 49, eyakubiddwa amasasi abiri mu kifuba agamutidde ku lw’okusatu lwa wiiki eno bweyabadde avuga mukyala we ku piki piki nga bagenda ku ffaamu yaabwe mu Gombolola y’e Karusandara.
Obubaka bwa Pulezidenti bwetikiddwa Omubaka we owa Disitulikiti y’e Kasese Lt. Joe Walusimbi era nasuubiza nti eyakikoze wakuvunaanibwa.
