Omukulembeze wa National Unity Platform Hon. Kyagulanyi Ssentamu Robert aka Bobi Wine; “Twatuuzizza olukiiko lwa Bannamawulire mwetwasabidde okukwata abawagizi ba NUP n’aboludda oluvuganya Gavumenti abalala okuzzeemu kukome.
Wiiki ewedde, Poliisi e mu Disitulikiti y’e Kasese bakwata banaffe 5 era twakitegeddeko nti baguddwako emisango gyokulya mu nsi yaabwe olukwe. Bannamateeka baffe batuuseeyo dda okulondoola embeera eno.
Era twasabidde ne banaffe abatuvudde ku maaso okuli; Bukasa Parish Councillor Kansiime Ritah ne Rasta Twaha abatufuddeko wiiki ewedde. Emyooyo gyabwe Mukama agiwumuzze mirembe.”