Ab’e Buddu bakiise e Mbuga

Omukubiriza w’Olukiiko lwa Buganda, Oweek. Patrick Luwaga Mugumbule, akubirizza abantu ba Buganda okujjumbira okukiika embuga bategeere emirimu gyayo bwe gitambuzibwa.
Bino Owek. Mugumbule abyogedde bw’abadde atikkula Oluwalo enkya ya leero oluleeteddwa Bannabuddu okuva mu ggombolola: Mutuba XIX Kasasa; Mutuba XIV Malongo; Mutuba 1 Buwunga; Mutuba XVII Nabigasa ne Mutuba IV Kiyebe.
Agambye nti abantu bwe bakiika embuga, bamanya ebifaayo ate n’okunyweza oluganda nga bamanyagana.
Abasabye okutwala Oluwalo ng’obuvunaanyizibwa bwe balina okutuukiriza okusobozesa Obwakabaka okokula emirimu egiyamba abantu.
Ye Ssaabawolereza w’Obwakabaka era Minisita wa Gavumenti ez’Ebitundu, Oweek. Christopher Bwanika, asabye abaami ba Kabaka okunyweza obukulembeze ku mitendera gyonna okuviira ddala ku byalo.
Akubirizza abaami okwewala okwenyigira mu mivuyo gy’ettaka, naddala okufulumya endagaano nga tebalambikiddwa minisitule eya Gavumenti ez’Ebitundu n’ekitongole kya Ssaabawolereza mu Bwakabaka eky’eby’amateeka.
Asiimye nnyo ababaka ba Palamenti abeenyigira obutereevu mu nsonga za Buganda.
Omumyuka wa Pookino Owookubiri, Mw. Payinento Yiga, akuutidde abaami ba Kabaka okulambika abantu ku bbaluwa ey’obusika entogole eyalambikibwa Abataka ab’Obusolya ku nsonga z’okwabya ennyimbe, okwewala okussaako abasika abatatuukiridde, ate n’okwewala enkaayana mu bika.
Omubaka wa Kakuuto mu Palamenti, Hon. Geoffrey Lutaya, asabye abazadde okutambulanga n’abaana nga bajja e Mengo, nabo bafune omwoyo gwa Buganda Ogutafa.
Agambye nti bwe tulambika obulungi abaana ne babaamu ensa, tujja kufuna abakulembeze ab’obuvunaanyizibwa, abanaakuuma eby’obugagga by’ensi yaffe.
Baleese oluwalo olusobye mu bukadde 19.

No comments

Leave a Reply

LIsten Live

Waliwo obulumi obumu nga nebigambo tebisobola kubunnyonyola!?

Waliwo obulumi obumu nga nebigambo tebisobola kubunnyonyola!? ...

21 0 instagram icon
Omubaka wa Kawempe North Munnakibiina kya National Unity Platform Hon. Ssegiriinya Muhammad aka Mr Updates agenda akuba ku matu. Abantu be ab'e Kawempe abaagaliza olunaku lwa Eid Al-Adha olulungi.

Omubaka wa Kawempe North Munnakibiina kya National Unity Platform Hon. Ssegiriinya Muhammad aka Mr Updates agenda akuba ku matu. Abantu be ab`e Kawempe abaagaliza olunaku lwa Eid Al-Adha olulungi. ...

93 1 instagram icon
Abawuliriza baffe tubaagaliza olunaku lwa Eid al-Adha olulungi. Ffe Mmwe Mmwe Ffe

Abawuliriza baffe tubaagaliza olunaku lwa Eid al-Adha olulungi. Ffe Mmwe Mmwe Ffe ...

4 0 instagram icon
Omubaka Munnakibiina kya National Resistance Movement - NRM akiikirira Busiki County Hon. Paul Akamba yakwatiddwa olunaku lw'eggulo abebyokwerinda ngayakayimbulwa Kkooti natwalibwa mu kifo ekitategeerekese.
Mu Gasimbagane ne Bannamawulire ne Peter Kibazo, olwaleero tugenda kwogera ku nsonga ezenjawulo mu Ggwanga.

Omubaka Munnakibiina kya National Resistance Movement - NRM akiikirira Busiki County Hon. Paul Akamba yakwatiddwa olunaku lw`eggulo abebyokwerinda ngayakayimbulwa Kkooti natwalibwa mu kifo ekitategeerekese.
Mu Gasimbagane ne Bannamawulire ne Peter Kibazo, olwaleero tugenda kwogera ku nsonga ezenjawulo mu Ggwanga.
...

30 3 instagram icon
#FreeStyle 🔥🔥🎤Friday Mundeke-Ngende ➡️➡️➡️Nze Live 97.3 Yogera Wotudde Endongo etandise
#footsoojauganda
#freestyle
#suremanssegawa
#nvamubende

#FreeStyle 🔥🔥🎤Friday Mundeke-Ngende ➡️➡️➡️Nze Live 97.3 Yogera Wotudde Endongo etandise
#footsoojauganda
#freestyle
#suremanssegawa
#nvamubende
...

12 1 instagram icon