Ababaka mu Palamenti abalala babiri ab’ekibiina kya NRM baggiddwa mu Palamenti y’ekkumi .
Mu bano mulimu omubaka omukyala mu Palamenti owa Disitulikiti y’e Lwengo n’owa Kooki Boaz Kasirabo .
Omulamuzi mu kooti enkulu e Masaka Margret Tibulya asazizzaamu okulondebwa kwa Cissy Namuju olw’okubanga empapula ze za munguuba ate Kasirabo lwa kwenyigira mu kubba bululu wamu n’okwenyigira mu misango gy’ebyokulonda .
Namuju yawawaabirwa Martin Kizito Sserwanga nga mulonzi mu Lwengo Disitulikiti nga yategeeza nga Namuju bweyakoma mu P .7 naye n’ajingirira CERTIFICATE ya S.4 n’eya S. 6 okusobola okuvuganya ku kifo ekyo .
Bwatyo omulamuzi asingisizza Namuju omusango gw’okujingirira ebiwandiiko n’avbiwaayo eri akakiiko k’ebyokulonda era Omulamuzi n’alagira okulonda mu Disitulikiti y’e Lwengo kuddibwemu .
Namuju yali yawangula Sarah Nkonge, Rose Nantongo ate e Kooki Boaz Kasirabo yali yawangula David Mpuuga.
Leave a Reply
You must be logged in to post a comment.