Breaking
News: Engule World Cup Yolulimi Oluganda Nookumanya tinta tinta ku abiri mu ettaano ffena tweyiwe ku Summer Gardens Mukono nga 6122026 fayinolo News: Abantu 2 bga kuliko Omusirikale wa Uganda Police Force wamu nomusomesa basimbiddwa mu Kkooti yOmulamuzi etuula e Kanyanya nebavunaanibwa omusango News: Ekibiina ki National Unity Platform kitegese okujjukira Bannakibiina abatirimbulwa abebyokwerinda mu kwekalakaasa okwaliwo wakati wa 18 ne 19
ON NOW Binsangawano ▶ UP NEXT Simba Taxi 10:00 AM - 1:00 PM
Now Playing ยท 461 listening Simba FM Live
binsangawano show photo

On Air

Binsangawano

Ndausi - Julius Kidomole - Mbabali

Morning show 6:00 AM - 10:00 AM

ABAKULEMBEZE B’E KIBUGA GULU BEGABANYA EZA NABBANJA

September 2, 2021 · Mubiru Ali
Ebiswaza bingi bikyavaayo ku ssente za Ssaabaminisita Rt Hon Robinnah Nabanja, bino bizuuliddwa Akakiiko ka Palamenti aka Gavumenti z’ebitundu aka Local Government Public Accounts Committee. Kitegeerekese nti omu kubafuna ssente zino emitwalo 10 mu Kibuga Gulu yali Gulu City Council Clerk.
Okusinziiira ku alipoota eyakoleddwa eyali ssentebe wa Disitulikiti y’e Gulu Martin Ojara Mapenduzi, eraga nti Clerk yewandiisa ng’omuyimbi okufuna ssente zino.
Kino kyongedde okwoleka nga abakulu mu Disitulikiti, Bannabyabufuzi n’abakozi ba Gavumenti bwebasimuula amannya g’abantu abawejjere okuva ku lukalala bbo nebeteekako.
Akakiiko era kakizudde nti abakozi ba Gavumenti bangi bewandiisa nga abavuzi ba Booda booda nebafuna ensimbi zino.
Waliwo ne Credit Supervisor wa Bbanka emu mu Gulu naye eyewandiisa nafuna ssente zino.
Eyaliko Ssentebe wa LCIII owa Layibi Division, Alfred Oluba naye yewandiisa nga Ddereeva wa Takisi naye nafuna emitwalo 10.
Kyongedde okuzuulibwa nti abakozi ku kitebe ky’ekibuga Gulu 20 wamu nabenganda zaabwe bewandiisa nebafuna ssente zabawejjere.