Munnakibiina kya NUP akubiddwa muzibu lwakuleekanira mu Kkooti
Omu ku Bannakibiina kya National Unity Platform 28 abagaaniddwa okweyimirirwa olunaku olweggulo yawuliddwako ngategeeza nti; “Tetugenda kwegayirira Pulezidenti Yoweri Kaguta Museveni okutuyimbula kuba tetulina musango. Baagala kututta olwokuba twali tulwanirira Eggwanga lyaffe. Batukwata lwakuba twali tukuuma bululu bwa Robert Kyagulanyi Bobi Wine nti kati babasuubira okwegayirira basobole okutuddiza eddembe lyaffe. Twazza musango ki? Tetujja kuggwamu maanyi.”
Ssentebe wa Kkooti y’Amaggye Brig. Gen. Freeman Robert Mugabe bweyamalirizza okusoma ensala ye ku kusaba kwabwe, omu ku basibe Muhysdin Kakooza yavudde mu mbeera era abasirikale ababadde mu bamukubye mizibu n’oluvanyuma nebamuwalula okumutuusa mu motoka ya Military eyabadde erinze ebweru.
