Mubeere nemitima egirumirirwa abalala – Katikkiro
Katikkiro Charles Peter Mayiga avumiridde ebikolwa eby’okunyigiriza abalala era akubirizza abantu okubeera ne Katonda mu mwoyo ne mu bikolwa so si mu bigambo.
Owek. Mayiga alaze obwenyamivu olw’ekiwamba bantu ekigenda mu maaso mu ggwanga n’asaba abakola bino okwekomako era babeere n’emitima egirumirirwa abalala.
Bino abyogedde yetabye mu kukuza olunaku lw’ekifo ky’ekigo ky’e Lweza ng’eno ebijaguzo bitambuliziddwa ku okwefumiitiriza ku mutuukirivu Yozefu. Owek. Mayiga wano wansizidde n’asaba abo abakola ebikosa abalala okutwala eky’okulabirako ku Yozefu eyali omukakkamu, omwetowaze era omukozi.
Ye Omusumba omukulu ow’Essaza lya Kasana Luweero Bp. Lawrence Mukasa abadde omutambizi omukulu, ajjukiza Abakristu obukulu bw’okwagalana n’okusonyiwagana, nga bino bwe banaabitambulirako Ensi ejja kwongera okubukalamu emirembe.
