Sino Truck ewabye neyingirira akatale k’Abakyala e Buwama
Loole ekika kya Sino Truck ngeno ebadde yetisse omusenyu eyingiridde akatale ka Bongole Women-friendly market akasangibwa e Buwama, mu Disitulikiti y’e Mpigi ku luguudo lwa Kampala–Masaka nesaanyawo ebizimbe ebyawementa akawumbi 1 akaweebwayo KOICA nakakwasibwa abasuubuzi mu butongole mu November 2023. Ddereeva ne ttanibboyi we baddusiddwa mu Ddwaliro e Nkozi okufuna obujanjabi.
