Pulezidenti wa Democratic Party Uganda era Minisita avunaanyizibwa ku nsonga za Ssemateeka Norbert Mao yavuddeyo nategeeza Bannamawulire nga bweyalina omukono ogw’amaanyi mu kulaba nti Ababaka Bannakibiina kya National Unity Platform – NUP okuli owa Kawempe North Hon. Muhammad Ssegiriinya n’owa Makindye West Hon. Allan Ssewanyana bayimbulwa ku kakalu ka Kkooti.
Mao agamba nti yasisinkana Ababaka bano emirundi egiwerako nti era okuyimbulwa ku kakalu ka Kkooti ddembe lyabwe eribaweebwa ssemateeka wadde nga ensonga yaabwe yalimu ebyobufuzi.