Nalukoola agenze ne Calculator kko ne geometry set mu Kkooti

Omubaka wa Kawempe North Elias Nalukoola Luyimbaazi olunaku olwaleero ayimiridde mu kaguli okulwanirira obuwanguzi bwe wabula asanze akaseera akazibu oluvannyuma lwa Bannamateeka be okwerabira okuwaayo eri Kkooti ebiwandiiko ebyomugaso mu kwanukula kwabwe nga muno mulimu ebiraga ebyava mu kalulu.

Abajulizi ba Nambi 9 olwaleero lwebaweddeyo nga mu bano mwemubadde Nathan Kyemba Muwanguzi avuddeyo nategeeza nti abenkambi ya NUP bavaayo nebamusuubiza okumuwa akakadde 1 akensimbi singa aggyayo obujulizi bwe ku ludda lwa Nambi nti wabula bano bamuwaako emitwalo 20 era ababanja emitwalo 80.

Kyemba ategeezezza omulamuzi Bernard Namanya nti kituufu aba NUP bamuwaako emitwalo 20.

Mu ngeri eyenjawulo Nalukoola azze ne Calculator ssaako Geometry set nga mwetegefu okwanukula ebibuuzo bya Bannamateeka ba Nambi.

Bya Christina Nabatanzi