Mbega wa Uganda Police Force ngono akola ne Parliamentary Police Detective Assistant Supretendant of Police Charles Twiine abadde yabuzibwawo olunaku lweggulo yatwaliddwa mu Kkooti ya Buganda Road navunaanibwa omusango gwokukuma omuliro mu muwagizi wa National Unity Platform Mitala Noah aka Noah Mutwe okukozesa ppeeva okulumba n’okutta Pulezidenti Yoweri Kaguta Museveni wamu ne mutabani we Gen. Muhoozi Kainerugaba olwebyobufuzi.
Twine ne Mutwe bavunaaniddwa emisango 8 egyekuusa ku ku kukozesa olulimu olwobukyaayi, okusaasanya obubaka obwobukyaayi, okukuma omuliro wamu nokwekobaana okuzza omusango.
Kigambibwa nti wakati wa January 2024 ne May 2025 ngabakozesa omutimbagano mu bitundu ebyenjawulo mu Kampala, Detective ASP Twiine Mansio Charles yasaasanya obubaka obwali bulaga nti Sipiika Annet Anita Among bwali omuntu omubi ennyo ate ye omumyuuka we Thomas Tayebwa bwali omufere.
Oludda oluwaabi nga lukulemberwamu Richard Birivumbuka agamba nti obubaka D/ ASP Twiine bweyasaasanya bwalina ekigendererwa ekikkakanya abantu bano bombi.
Twiine era avunaanibwa okusaasanya obubaka obwobukyaayi ku muduumizi w’Eggye ly’Eggwanga Gen Muhoozi Kaienerugaba omuzzi w’emisango nayita Abahima abatemu wamu n’omusirikale wa UPDF General Birungi James.
Bano bombi emisango bagyegaanye era nebasindikibwa ku alimanda mu kkomera e Luzira okutuusa nga 5 june lwebanawulira okusaba kwabwe okwokweyimirirwa.
Twiine eyaliko omwogezi w’Ekitongole kyabambega yawadde omulamuzi Kayizzi, Abakulembeze mu Ggwanga wamu ne mukama we IGP Abas Byakagaba obutenyigira mu bintu bitaliimu nsa nga bino nga basobola okukola ekisingawo.
Bya Christina Nabatanzi