Museveni FDC akyagikozesa nnyo – Hon. Ssemujju
Omubaka wa Munisipaali y’e Kira, Hon. Ibrahim Ssemujju Nganda avuddeyo nategeeza nti ebibiina by’obufuzi mu Uganda tebisobola kubaako kyebikola era nti bijja kusigala ku kimu kyakukozesebwa kulwanirira ddembe lya buntu okutuusa nga Pulezidenti Yoweri Kaguta Museveni akkirizza nti omuntu omulala yenna asobola okwesimbawo n’awangula oba n’awangulwa ate awanguddwa nawaayo obuyinza mu mirembe.
Ono agamba nti kino kiri bwekityo kuba Museveni mwetegefu okukola buli ekyetaagisa okumenyamenya ebibiina by’obufuzi byonna.
Ssemujju agamba nti era ye simwetegefu na kwonoona budde bwe nti atereeza Forum for Democratic Change okutuusa nga Museveni avuddewo kubanga nebwebanakola batya era ajja kugitabangula kubanga eyo ye nkola ye.
