Dayirekita w’essomero eyasobezza ku bayizi 6 aba P7 azirikidde mu kaduukulu
Omwogezi wa Uganda Police Force mu bitundu bya Savana, Sam Twineamazima avuddeyo nategeeza nga Dayirekita w’essomero agambibwa okukabasanya abaana 6 abagenda okutuula ebigezo byabwe ebya PLE ebitandika olunaku lw’enkya bwazirikidde mu kaduukulu ka Poliisi e Luweero.
Twineamazima akakasizza nti ono tanateebwa, wabula yatwaliddwa mu Ddwaliro okufuna obujanjabi era nga ali ku mpingu mu Ddwaliro gyali.
Twineamazima ategeezezza nti ono wakutwalibwa mu Kkooti abitebye bwanaaba agiddwa mu Ddwaliro.
