Uganda Police Force mu Disitulikiti y’e Kayunga esanze akaseera akazibu okutawuluza omuwala Milly Mutoni 19, ku batuuze ababadde bataamye obugo ku kyalo Bwetyaaba mu Gombolola y’e Kayunga oluvanyuma lwa Mutoni okusuula omwana we ow’olunaku 1 mu kabuyonjo.
Poliisi etaasizza ebbujje lino nerinyulula mu kabuyonjo, Mutoni naye atwaliddwa ki Poliisi.
Bya Latifah Nalubowa
Ennyonyi ekika kya nnamunkanga ey’eggye lya Kenya Defence Forces egudde nga yakasitula. Okusinziira ku mukutu gw’amawulire ogwa Kenya ogwa Citizen TV, kigambibwa nti mu nnyonyi muno mubaddemu omuduumizi owokuntikko ow’eggye lya Kenya CDF Gen. Francis Ogolla. Kigambibw anti egudde mu bitundu by’e Kaben-Cheptulel ku nsalo ya Elgeyo Marakwet ne West Pokot eno ngebaddemu abantu 9.
General Francis Ogolla yalondebwa ku bwa Chief of Defence Forces (CDF) owa Kenya Defence Forces nga 28 April, 2023. Ono yaddira General Robert Kibochi, eyawummula oluvannyuma lwokuweereza emyaka 44 mu maggye nga emyaka egyasembayo 3 yali CDF. General Ogolla yegatta ku maggye ga KDF nga 24 April 1984 era nafulumizibwa ku ddaala lya 2nd Lieutenant nga 6 May, 1985.
Gavumenti ya Kenya tenafulumya kiwandiiko kitongole ku kabenje kano.
Minisitule y’ebyenfuna etaddeyo okusaba kwayo eri Palamenti egikirize okwewola ensimbi Euro 110,543,947.52 bwebuwumbi nga 450.084 eza Uganda nga zino zakuzimba luguudo lwa Kitgum-Kidepo okusobola okutumbula ebyobulambuzi mu mambuka ga Uganda.
Wabula Sipiika wa Palamementi Anita Among asabye Gavumenti okunnyonyola obulungi lwaki ensonga yokwewola ssente zino etutte kumpi omwaka mulamba n’ekitundu nga tekolebwako wabula nga yetoloolera mu Ministry of Works, Ministry of Finance ne offiisi ya Attorney General.
Enkuba eyatandise okutonya mu kiro ekikeesezza olwaleero ku ssaawa nga kumi ezookumakya erese enguudo eziwerako mu Kampala nga sizaliddwako amataba okuli n’olwa Kinawataka – Kireka.
Abagoba b’ebidduka bamaze essaawa eziwerako mu kalippagano k’ebidduka okusobola okuyingira Kampala. Mu masangazira g’e Katoogo olutindo lwabuliddemu era abatuuze bategeezezza nti waliwo owa booda booda eyaguddemu amazzi negamutwala ku makya bweyabadde agezaako okusala.
Akakiiko akalwanyisa obukenuzi wamu n’obuli bw’enguzi okuva mu maka g’omukulembeze w’Eggwanga aka
Anti Corruption Unit – State House Uganda nga kakolera wamu ne
Uganda Police Force kakutte abakozi ba Disitulikiti y’e Mubende 3 okuli; 1. John Baptist Muzibira – District Engineer, 2. Kamya John Birungi – Civil Engineer ne 3. Ssendikadiwa Vito Bosco – Acting District Health Officer, kubigambibwa nti bakozesa bubi offiisi zaabwe wamu n’okulagajjalira emirimu gyabwe.
Kigambibwa nti Ssendikadiwa Bosco, nga contract manager ne banne ababiri abalina okulondoola pulojekiti ez’enjawulo balemererwa okulondoola pulojekiti ezaali zikolebwa ekyaviirako okulemererwa okumaliriza emirimu wamu n’okukola omulimu egyekibboggwe mu kugaziya maternity ward wamu n’okuzimba ekifo abalwadde webalindira ku ddwaliro lya Kibalinga Health III mu Disitulikiti y’e Mubende. Bano bakuumirwa ku Poliisi ya Mubende Central Police Station ng’okunoonyereza bwekugenda mu maaso n’oluvannyuma bakusimbibwa mu Kkooti bavunaanibwe.
Palamenti eyisizza ekiteeso kyokukyuusa emirimu egibadde gikolebwa Uganda National Meteorological Authority (UNMA) gitwalibwe mu Ministry of Water and Environment oluvannyuma lwokugaana okuwabulwa okwakoleddwa akakiiko ka Palamenti akavunaanyizibwa ku butonge bw’ensi nti UNMA esigalewo nga yetengeredde olw’emirimu egyekikugu gyerina okukola.
Kitalo!
Munnamateeka Raphael Okiot nga abadde akola ne Maldes Advocates era Musomesa ku Ssetendekero wa Uganda Christian University yafiiridde mu kabenje enkya yaleero ku bitaala by’e Nkumba loole ya mixer bweremeredde omugoba waayo negwiira emotoka ye nemuttiramu.
Akabenje kagudde ku bitaala bya Nkumba University ku luguudo lw’e Ntebe ddereeva wa Loole eya mixer nnamba UAN836D bwemulemeredde nagezaako okuwalampa pavement wabula negwiire emotoka eya buyonjo ekika kya Mitsubishi RVR nnamba UBQ 371P. Okusinziira ku babaddewo bagamba nti emotoka gyegwiiridde ebaddemu omuntu omu era nga kirozoozebwa nti yandiba nga afudde.
Ye ddereeva wa loole eno kigambibwa nti avuddemu nagenda mu ddwaliro eririnaanyeewo okufuna obujanjabi.
Sipiika wa Palamenti Anitah Among yavuddeyo nategeeza Omubaka wa Iganga Municipality Peter Mugema okuleeta ensonga yebigambibwa nti waliwo abagezaako okutemula akulira oludda oluwabula Gavumenti Munnakibiina kya National Unity Platform Joel Ssenyonyi nategeeza nti on
Sipiika yasabye oyo yenna atiisibwatiisibwa okugenda aloope ku Poliisi okusinga okulowooza nti binaleetebwa mu Palamenti. Sipiika yategeezezza nti; “Banange mulemu kuzannyira mu Palamenti. Ndaba ebintu bingi, bwewaba waliwo gwebatiisatiisa okutta genda oloope ku Poliisi. Ani ayinza okutta omuntu? Lwaki amutta? Olina mugaso ki? Tujje omuzannyo mu Palamenti. Kale ebyo bwebiba byabadde mu bbaala, kirabika babadde balina byebanywedde. Ebintu nga ebyo tebisaanye kuleetebwa wano kuba tetuttemula bantu. Tewali muntu wamugaso nnyo nti twatwagala okumutemula, mulekerawo okuzannyira mu Palamenti.”
