Sipiika wa Palamenti Anita Among alagidde ekitongole kya Palamenti eky’amateeka okuwawabira olupapula lwa The Observer nga agamba nti lusiga obukyaayi mu Bannayuganda nga lwagala okukyayisa Palamenti. Sipiika agamba nti olupapula luno lwawandiika nti Ababaka abamu baweebwa ekyoja mumiro okuba mu bitongole ebimu obutabiggalawo oba okubizza mu Minisitule ezibivunaanyizibwako.
Sipiika yewuunyizza engeri oli gyayinza okugulirira Ababaka bonna so nga bategefu nokuwanika emikono okulonda.
Abazigu ab’emmundu balumbye bbanka ya Equity ettabi erye Soroti mu kiro ekikeesezza olwaleero n’ekigendererwa eky’okunyaga ssente. Kino kireesewo obunkenke mu kitundu ab’ebyokwerinda bwebayiiriddwa okwetoloola ekibuga Soroti okutaasa embeera. Okukakana ngomukuumi wa kkampuni eyobwannanyini akwatuddwa ku bigambibwa nti yandiba nga yabadde mu lukwe luno.
Munnamateeka era Omubaka omukyala owa Kampala Shamim Malende olunaku olwaleero asisinkanye Abakulembeze b’abasuubuzi mu Kampala nga bakulembeddwamu omwogezi wa KACITA Isa Ssekitto nabawa ekiwandiiko ekyoleka ebituli ebiri mu mateeka g’omusolo wamu n’ebiragiro ku nkola ya EFRIS nenoongosereza ezirina okukolebwa.
Ekiwandiiko kino era gyoleka omulimu ogulina okukolebwa Palamenti, Minisita w’Ebyenfuna wamu n’ekitongole kya Uganda Revenue Authority (URA) okusobola okugonjoola endoliito eziriwo ku misolo.
Kiwedde!
Ekitongole ekivunaanyizibwa ku byenguudo mu Ggwanga ekya Uganda National Roads Authority – UNRA kivuddeyo nekitegeeza nga okudaabiriza olutindo olwaguddemu e Buddo ku luguudo oluva e Kampala okudda e Masaka bwekuwedde era nga kati emotoka zitambula bulungi.
Dan Kimosho, Ssentebe w’Akakiiko ka Palamenti aka, Physical Infrastructure Committee avuddeyo nategeeza Palamenti nti singa baggalawo ekitongole ekivunaanyizibwa ku nguudo mu Ggwanga ekya Uganda National Roads Authority – UNRA, olwo ensimbi y’omuwi w’omusolo eziri eyo mu buwumbi 227 zezijja okugenda mukuliyirira ababadde abakozi b’ekitongole kino abanawummuzibwa singa Palamenti eyisa ekiteeso kyokuggalawo UNRA.
Kimosho ayongeddeko nti okusinziira ku ‘Certificate of Financial Implications’ eyasooka okufulumizibwa yalaga nti baali betaaga obuwumbi 11 okuliyirira abakozi ba UNRA singa ekitongole kiggalwawo nti wabula bakizudde nti betaaga obuwumbi obusoba mu 227 nategeeza nti ezo ziba ssente nnyingi nnyo okukozesebwa mu kuggalawo ekitongole nga n’amabanja mayitirivu okuva mu ba ‘Contractor’.
Omumyuuka wa RCC wa Lubaga eyawummuzibwa
Burora Herbert Anderson avuddeyo; “Wadde nga bantiisatiisa ku bulamu bwange, bingi byensasulidde era ndi mwetegefu okusasulira ebirala. Saagala kwasanguza bigenda mu maaso naye bino 3 njagala mubimanye.
1. Njakwetaaga Munnamateeka omwetegefu okulwanirira eddembe lyange.
2. Ebintu bino 2 temubukiririzangamu bwemba nfudde; a). Temukikirizanga nti nfudde mutima kwesiba, oba ebitundu by’omubiri ebiwerako okulemererwa okukola. b). Bwekaba kabenje, embeera ebaddewo kalyoke katuukewo mugyekkaanya nga nnyo era mubuuzanga ebibuuzo. Neither multiple organs Failure. b) If it’s ever an accident, let circumstances under which it happened be queried.
Akaseera katuuka ng’okubeera omulamu n’okufa byombi tebikola makulu ku kyonna ekituukawo, nkyaniriza.”
Omutaka Lwomwa Eria Lwasi Buzaabo ayingiziddwa mu social club ya Pope Paul Hotel mu Ndeeba
Buli Kika kirina ekibanja mu club eno era Abataka abakulu Ab’obusolya beebataba mu nkungaana z’ekibiina kino okubaako byebateesa ebitwala Ebika mu maaso.
Ssentebe w’ekibiina kino Hon. Patrick Nsanja yakubirizza olutuula luno olwetabiddwamu Katikkiro eyawummula Eng. JB Walusimbi, Oweek Joyce Nabbosa Ssebuggwawo, Ssaabaganzi Emmanuel Ssekitoleeko, n’abakulu mu Kika ky’Endiga.
Muyogeyoge bayaaye banange, tugenda mu maaso nokubalabisa nti kyebatulowooleza si kyetuli.
Mbayise ku party y’ekivvulu e London enkya (olwaleero).
“
Sipiika wa Palamenti Nnaalongo Anita Among; “Ente baziggyako omusolo? Kituufu ‘informal sector’ naye bwetwogera ku kwongera ku bintu ebigibwako omusolo n’ente nazo muzongereko. Nina ente ezisoba mu 2000 naye tewali anzigyako musolo. Teri nayagala kumanya kyenfunamu kyenkana ki. Tuwongere ku bintu ebivaamu omusolo okusinga okunyigiriza abasuubuzi. Abantu balina ente nnyingi nnyo.”
