SINGA TWALI TUNOONYA MIRIMU TETWANDISUDDEWO GYETWALINA

https://youtu.be/KfCdGfhbOd8
Ssaabawandiisi wa National Unity Platform David Lewis Rubongoya; “Okusaaga okusinga, kwekulaba nga ekibiina kya National Resistance Movement – NRM emyaka gyonna kiyimiriddewo kukusasulira bulimba okukkakkanya abagivuganya, okubawulayawula nokubasuula.
Bwebagezaako okukukyuusa nogaana nga batandika okukwononera erinnya.
Bwekiba nga ekigendererwa kyaffe kyali kyakufuna mirimu, tetwandisuddewo mirimu mirungi gyetwalina netusalawo okulwanirira emirembe ne demokulasiya.
Abamu kuffe tetwandivudde mu kintu ate kutandika kukirwanyisa. Ekigendererwa kyaffe kulwanyisa nnakyemalira ayonoonye eggwanga lyaffe. Tetujja kubuzaabuzibwa ku nsonga yonna gyetuliko.”

UPDF egenda kubonereza omusirikale alabikidde mu katambi nga atulugunya omuntu

Eggye ly’eggwanga erya Uganda Peoples’ Defence Forces UPDF livuddeyo neritegeeza nti waliwo akatambi ka vidiyo akatambula ku social media nga kalaga omusirikale wa UPDF nga atulugunya omuntu. UPDF egamba nti teri ali waggulu w’amateeka nti era omusirikale ono akwatiddwa nga agenda kuvunaanibwa.
Bagamba nti UPDF si netegefu kulaba bikolwa nga ebyo nga bituusibwa ku Bannayuganda.