Munnakibiina ki JEEMA Asuman Basalirwa; “Sirina buzibu bwonna na Kyagulanyi (Bobi Wine), wabula annumba nnyo nze n’abantu bange. Yakikolako n’emyaka 2 egiyise e Bugiri. Bangamba akikola olwokuba nkolagana bulungi ne Sipiika wa Palamenti. Wabula muwa amagezi nti obudde abumalire kukuwangula Obukulembeze bw’Eggwanga ate akimanye nti tasobola kufuga Uganda nga ffe abalala atusudde bbali.
Nagezaako okwogera naye, wabula yambulokinga buli wamu ne ku social media. Muganda waffe Kyagulanyi yakyuukira ddala okuva ku muntu gwetwali tumanyi. Sibwatyo bweyakolanga ebintu bye era twebuuza kiki ekyamutuukako.
Nkubuulira ku ddaala eryobutaguminkiriza balala Kyagulanyi lyaliko, namala afuuka Pulezidenti, nze nina kubeera mu buwanganguse, kkomera oba mufu.”
#ffemmwemmweffe

Pulezidenti Yoweri Kaguta Museveni: “Mu State House enkadde, mwalimu ka wofiisi akatono mwengenda nensaba. Nebuuza, Omusango gwa Chris guno ddala mutuufu yatta abantu abo bonna ngalina kuwankibwa ku kalabba, oba wayinza okubaawo ensobi?
Oluvannyuma nawulira eddoboozi munda munze nga lingamba nti si kituufu.”
#ffemmwemmweffe

Akwatidde ekibiina ki National Peasants Party (NPP) Robert Kasibante asabye Pulezidenti Yoweri Kaguta Museveni okuwummula mu mirembe namusuubiza okumuwa akasiimo singa alondebwa nalayira mu May 2026.
Kasibante abyogeredde mu Kibuga Mbarara gyayogeredde eri abantu mu Mbarara Central Market ne mu Ppaaka ya bbaasi.
#ffemmwemmweffe
#UgandaDecides2026

Munnakibiina ki National Peasants Party (NPP) Robert Kasibante asuubizza okuwa abakadde n’abavubuka emitwalo 20 buli mwezi singa anaaba alondeddwa ku kifo ky’obwa Pulezidenti.
Bino abyogeredde Mbarara gyali mukunoonya akalulu, ono asuubizza okusasula abasomesa bonna omusaala gwegumu era navumirira nnyo ekyemisaala egyenjawulo mu bakozi ba Gavumenti.
Ono asuubizza okulwana okulaba nti amalawo ebbula ly’emirimu.
#ffemmwemmweffe
#UgandaDecides2026

Munnakibiina kya Forum for Democratic Change Nathan Nandala Mafabi wamu ne Pulezidenti waakyo @Patrick Oboi Amuriat baguddewo offiisi z’Ekibiina e Hoima okwongera okunyweza amaanyi g’ekibiina okwetoloola Eggwanga lyonna.
#ffemmwemmweffe

Mustafar Manirabuka 33, asimbiddwa mu maaso g’Omulamuzi wa Kkooti e Busia Thomas Okoth nakiriza omusango gwokuyuza ebipande byakwatidde ekibiina ki National Resistance Movement – NRM bendera ku kifo kya Pulezidenti, Yoweri Kaguta Museveni.
Oludda oluwaabi lutegeezezza nti Manirabuka yakozesa akambe okusala ebipande nga 22-September-2025, ekikontana nakawayiro nnamba 80(2) aka Presidential Elections Act.
Manirabuka ategeezezza Kkooti nti ye ne famire ye banoonyeza Museveni akalulu wabula balinze okumala emyaka 5 okusasulwa nga buteerere.
#ffemmwemmweffe