Agambibwa okutta mukazi we ne muganda we asindikiddwa ku alimanda
Omulamuzi w’eddaala erisooka mu Kkooti e Kasese asindise ku alimanda omusajja ow’emyaka 44 mu kkomera e Mubuku okutuusa nga 11 November 2023 ku bigambibwa nti yatta mukazi we ne muganda we mu Ggombolola y’e Kisinga mu Disitulikiti ey’e Kasese.
Okusinzira ku mulamuzi wa Kkooti eno, Nyakana Allan kkooti terina buyinza kuwulira musango guno kwekumusindika ku alimanda nga bwebategeka okumusindika mu Kkooti Enkulu.
