Bannamateeka ba Molly Katanga aba Kampala Associated Advocates baddukidde ewa Principal Judge Flavian Zeija ayingira mu nsonga zaabwe ne Uganda Police Force gyebalumiriza okulinyirira eddembe lyomuntu waabwe nga batuuse n’okuyingira mu theater mwebabadde bamututte okumulongoosa nebalagira abasawo okubawa ebiwandiiko byonna kwebajanjabira omulwadde ono, nga Bannamateeka bagamba nti kuno kuba kulinyirira ddembe lye eryobuntu.
Bannamateeka bagamba nti Abasirikale ba Poliisi nga bakulembeddwamu Bob Kagarura ne Wathum Beson bakozesezza ekifuba okuyingira mu theater gyebabadde balongoosezza omuntu waabwe ku lwokubiri ne mu ICU nga baagala abasawo basiibule omulwadde atwalibwe mu Kkooti avunaanibwe n’oluvannyuma atwalibwe e Luzira.
Ono wamu ne bawala be 2 bavunaanibwa okwenyigira mu butemu bwa Henry Katanga.