Abasirikale ba Military bateekeddwa ku nguudo okuyamba ku ba Traffic – Col. Deo Akiiki

Omumyuuka w’omwogezi w’eggye lya UPDF Col. Deo Akiiki avuddeyo nategeeza nti nga eggye lya UPDF bweriyungudde Abasirikale baalyo okuva mu Military Police Traffic Department okuyambako abasirikale ba Uganda Police Force abavunaanyizibwa ku bidduka mukukwasisa amateeka g’okunguudo oluvannyuma lw’abakulu mu UPDF okuvaayo nebemulugunya ku neeyisa yabagoba b’ebidduka.
Akiiki agamba nti ekigendererwa mulimu nokukwata abo abakozesa ebyambalo by’amaggye nga tebalina lukusa olwo nebabikozesa okumenya amateeka gokunguudo n’okutiisatiisa abasirikale.
Bano era bakuyambako ku basirikale ba UPDF abakozesa obubi enguudo. Ebikwekweto bino bigenda kubeera ku nguudo ez’enjawulo mu Kampala n’emiriraano.