latest simba news – Radio Simba

Enkumi n’enkumi z’abantu betabye mu misinde mubunabyalo egyategekeddwa ab’essomero lya Mengo Secondary School nekigendererwa ekyokukunganya ensimbi ezokuzimba Dinning Hall.

Mubadduse emisinde gino kubaddeko; Abazadde b’abaana ku ssomero lino, abaaliko abayizi ku ssomero lino, Bannabyabufuzi okuli Munnakibiina kya National Unity Platform Eng. Ronald Balimwezo Nsubuga eyegwanyiza ekifo kya Loodi Mmeeya ngono akubirizza abazadde okumalirira okusomesa abaana baabwe nokubakuutira okumanya Katonda ngakino kyakubafuula abakulembeze abalungi gyebujja.

Bya Martin Amayiko

#ffemmwemmweffe

Minisita avunaanyizibwa ku nsonga z’ettaka, amayumba n’enkulaakulana y’ebibuga Hon. Judith Nabakooba avuddeyo nategeeza nga Pulezidenti Yoweri Kaguta Museveni bwakirizza Minisitule ye okugaba liizi eri abasenze ku ttaka lya Gavumenti okwetoloola Eggwanga lyonna. Bino abyogeredde ku mukolo gwa National Resistance Movement – NRM e Ssekanyonyi ne Maanyi mu Disitulikiti y’e Mityana.

#ffemmwemmweffe

Akwatidde ekibiina kya Forum for Democratic Change – FDC bendera ku kifo kya Pulezidenti @Nathan Nandala Mafabi aweereddwa Ssatifikeeti ekakasa nti yawezezza emikono egimusemba okwesimbawo ku kifo kya Pulezidenti okuva mu Kakiiko k’ebyokulonda aketengeredde aka Independent Electoral Commission Uganda.
Kati abakakasibwa bali 2 bokka Pulezidenti Yoweri Kaguta Museveni akwatidde ekibiina kya National Resistance Movement – NRM bendera ne Nandala Mafabi owa NRM.
#ffemmwemmweffe

Akakiiko k’ebyokulonda aketengeredde aka Independent Electoral Commission Uganda kavuddeyo nekategeeza nti oluvannyuma lwokwekeneenya emikono egyaweereddwayo okusemba Munnakibiina kya Alliance for National Transformation-Uganda Mugisha Muntu okwesimba wo ku bwa Pulezidenti kakizudde nti emikono gya Disitulikiti 48 gyegituukiridde.

#ffemmwemmweffe

Ssaabawandiisi wa National Unity Platform David Lewis Rubongoya avuddeyo nategeeza nga Akakiiko k’ebyokulonda aketengeredde aka Independent Electoral Commission Uganda bwekabawandiikidde nekabategeeza nga emikono gyebataddeyo okusemba Robert Kyagulanyi Ssentamu aka Bobi Wine okuvuganya ku kifo kya Pulezidenti bwegitamala kumusobozesa kuwandiisibwa.
#ffemmwemmweffe

Omwogezi w’Eggye lya UPDF Maj. Gen. Felix Kulayigye avuddeyo nategeeza nga bwetaliiwo kiwamba bantu mu Ggwanga nga kukolebwa Gavumenti, nti wabula Gavumenti ekwata bantu tebawamba.
Ono atageezezza nti buli omu eyenyigira mu dduyiro wekinamaggye ataali mu mateeka eyakolebwa ku kitebe kya National Unity Platform ku Kavvule, Makerere wakukwatibwa atwalibwe mu Kkooti.
#ffemmwemmweffe

Ssaabawandiisi wa National Unity Platform David Lewis Rubongoya ngawerekerwako Sasi Marvin enkya yaleero battute emikono gyabantu abeyimirira Pulezidenti wa NUP Kyagulanyi Ssentamu Robert aka Bobi Wine okwesimbawo ku kifo ky’Omukulembeze w’Eggwanga mu kalulu ka bonna aka 2026 eri Akakiiko k’Ebyokulonda aketengeredde aka Independent Electoral Commission Uganda.

Ekibiina kitegeezezza nti yadde akakiiko kaali ketaaga emikono 100 okuva mu Disitulikiti 98, omuwendo gwabantu abayagadde okuteekako emikono gwabasusseeko era basiimye nnyo Bannayuganda olwobwagazi bwebabalaze.

#ffemmwemmweffe

Kkansala wa LC3 owa Mbuya 1 Erias Musoke Lukwago yatabukidde omusirikale wa Uganda Police Force bweyabadde akwatiddwa ngawerekera ku Bukeni Ali aka Nubian li eyabadde agenze e Ntinda okwewandiisa ku Kakiiko k’ebyokulonda okuvuganya ku kifo kya Mmeeya wa Nakawa.

Ono oluvannyuma yayimbiddwa.

#ffemmwemmweffe

Mlinza Farm e Ziroobwe nga eri wamu ne KCB Bank Uganda olunaku lweggulo batongozza Meat Fest 2025 ku mukolo ogwabadde ku Soleen Restaurant e Makindye.

Meat Fest yakubeerawo nga 6 December 2025 ku Mlinza Farm e Ziroobwe, yakusomboola abantu okuva mu bitundu ebyenjawulo.

Carol Zawedde yategeezezza nti Meat Fest egenda kubeera yanjawulo ngabantu sibakulya buli mmere yokka wabula bakujaguza obuwangwa n’ebintu ebibagatta ng’abantu. Gladys NalukengeLubowa, KCB FLME Manager, yakaatirizza obweyamo bwa KCB Banka obwokulaba nti batumbula emirimu egitandikiddwawo Abakyala, Bamaama wamu n’abantu abalala okulaba nti bafuna ebyo byebetaaga okugenda mu maaso, okukuza bizineesi zaabwe wamu n’okuyimirizaawo famire zaabwe.

#ffemmwemmweffe

On Air

Neyimbira Byange 2026