Sinayogerako n’abantu bange okuva lwebankwatira e Kenya – Besigye

Rtd Col. Dr. Kizza Besigye ne munne Obed Kamulegeya bwebakwatiddwa e Kenya bawakanyizza ekyokuwozesebwa mu Kkooti yamaggye kuba si bammemba ba UPDF.

Besigye era agaanye Bannamateeka abamuweereddwa Gavumenti nategeeza nti alina owuwe gweyesiga so nga era tanafuna kadde koogera naye.

Ye Munnamateeka we Erias Lukwago ategeezezza nti omuntu we tanamulagira yadde okwogera naye nti nabwekityo tasobola kutandika kumuwolereza ku nsonga zatanamunnyola.

Wabula Kkooti ekalambidde nti Besigye ne Kamulegeya, erina obuyinza obubawozesa obugiweebwa akawaayiro 117.

Bya Christina Nabatanzi