Poliisi ekutte abasajja 2 abagambibwa okubba emotoka mu Kampala
Omwogezi wa ekitongole ekinoonyereza ku misango mu Uganda Police Force ekya CID ASP Twiine Charles avuddeyo nategeeza nga bwebakutte abasajja babiri abagambibwa okwenyigira mu bubbi bw’emotoka mu Kampala n’emiriraano.
Abakwatiddwa kuliko: Nsereko Farouk Alias Kasasa Hassan ne Wambi Joseph Alias Kato Daniel.
Okunoonyereza kulaga nti bano babadde bapangisa emotoka okuva ku bantu nebazitunda olwo abazigula nebabakwata nti bazibba.
Kigambibwa nti bano benyigidde mu bubbi bwemotoka eziwerako era nga banoonyerezebwako. Tusaba Bannayuganda naddala abagula emotoka ku bantu bano oluvannyuma nezikwatibwa Poliisi okugenda ku kitebe kya CID baggulewo emisango nga abakwate tebanatwalibwa mu Kkooti.
