Emizikiti wonna mu ggwanga gibooze olwaleero mu kusaala Eid – Al Adha ey’okusala ebisolo mu nnono y’eddiini y’obuyisiraamu mu nsi yonna
Mu kusaala kuno Mufti wa Uganda Sheikh Ramadhan Mubajje asinzidde ku muziti omukulu e Kampala mukadde n’avumirira wamu n’okulabula abantu abatali bamu ba ssekinnoomu abeekobaana n’abayisiraamu okubba ettaka ly’obusiraamu era muno atwaliddemu ne ba Imam b’emizikiti n’abategeezanti balye kamanye nga akoza n’owebbwa .
Mu kubuulira kwe Mubajje asabye abayisiraamu bonna okwettanira enteekateeka za Gavumenti okusobola okwewonya olukokobe lw’obwavu olufuuse ekyambika . Wano w’abasabidde okwenyigira mu mirimu nga ; Okulima ebibala nga emiyembe, okulunda enkoko wamu n’okuzaaluza, abakayala okwettaniraa okutunga wamu n’emirimu emirala Gavumenti gy’etaddeko omulaka .