Nsaasira abennyumba ya Baryomunsi – LOP Mpuuga

Akulira oludda oluwabula Gavumenti mu Palamenti Munnakibiina kya National Unity Platform, Mathias Mpuuga Nsamba eyakulemberamu eky’ababaka ku ludda oluvuganya okuziira entuula za Palamenti okutuusa nga Gavumenti evuddeyo nebalaga wa abantu baabwe abazze bawambibwa gyebali, olwaleero azzeemu n’alabikako mu Palamenti nakigumizza nti tebakyasobola kuddamu kutuula ne bawuliriza kintu kyonna nga tebamanyi mayitire g’abantu babwe 18 okuli ne John Bosco Kibalama ng’ate Gavumenti yavaayo netegeeza nti yebalina.

Mu ngeri yeemu Mpuuga ayanukudde Minisita avunaanyizibwa ku kulungamya Eggwanga ne tekinologiya, Dr. Chris Baryomunsi eyategeezezza nti ab’oludda oluvuganya babeera mu katemba bw’ategeezezza nti bamugamba nti Baryomunsi ssemaka nti wabula bwaba nga endowooza ye eri ku ddaala eryo so nga yavunaanyizibwa ku kulungamya eggwanga, awo wasabidde Bannayuganda bekaabire.