Radio Simba – Ennene

Kampala 97.3 FM Mubende 92.1 FM

Munnamateeka atutte Bobi Wine, Joel Ssenyonyi, Kizza Besigye ne Attorney General mu kkooti

Oluvannyuma lw’omubaka wa Kyaddondo East Robert Kyagulanyi Ssentamu aka Bobi Wine okuvaayo nalangirira olukiiko lw’abantu bagenda okukola nabo mu kisinde kye ekya People Power – Uganda okunoonya akalulu mu 2021 wamu ne Munnakibiina kya Forum for Democratic Change Change Rtd. Col. Dr. Kizza Besigye naye okulangirira kabinenti ye mu kisinde kya The Peoples Government – PG, waliyo Munnayuganda avuddeyo nabakuba mu mbuga nga agamba nti batyobodde Ssemateeka.
Ntare Adnes Rutaro nga nzaalwa mu Gombolola ye Ruhaama mu Disitulikiti y’e Ntungamu atutte omubaka Kyagulanyi Ssentamu, omwogezi w’ekisinde kya People power our Power Joel Ssenyonyi , Kizza Besigye ne Attorney General mu Kkooti nga abavunaana okukozesa obuyinza obuweebwa ekibiina ky’ebyobufuzi ekiriwo mu mateeka nga kiwandiise nebabukozesa mu bisinde ekimenya akatundu 72(2) aka Ssemateeka wa 1995.
Ate ye Attorney General amuvunaana olwobutakozesa buyinza bwe obumuweebwa Ssemateeka mu katundu 119(4)a aka Ssemateeka wa 1995.
Rutaro agamba nti Omubaka Robert Kyagulanyi Ssentamu, Joel Ssenyonyi ne Kizza Besigye banyoomodde obuyinza bwa Ssemateeka, obuyinza bwa Palamenti ekola amateeka, okukozesebwa kwa Ssemateeka mu byobufuzi, demokulasiya, n’obuyinza bwa Bannayuganda.
Ono ayagala Kkooti eveeyo eragire ebisinde bino biyimirize emirimu gyonna gyebikola okutuusa nga byewandiisizza nga ebibiina by’ebyobufuzi. Emirimu egikolwa ab’ekisinde kya ‘ People power Movement’, ‘People Power – Uganda’, ne ‘ People Power Our Power‘ omuli okukozesebwa okukunga abantu mu by’obufuzi wamu n’okwewandiisa okusobola okulonda mu kalulu, okukungaanya obuyambi wamu n’okuwa abaagala okwesimbawo omwagaanya okukozesa ekisinde nga tiketi nga bino byonna bikirizibwa kibiina kyabyabufuzi ekiwandiise mu mateeka.

Leave a Reply

eskort escort mersin kahramanmaraş escort niğde escort